"Sabah"ın prezidenti Berezutskinin təyinatında əsas rol oynayan amilləri göstərib: "Baş məşqçi artıq klubla bağlı müəyyən məlumatlara malikdi"

“Sabah”ın prezidenti Maqsud Adıgözəlov "Matc TV"yə açıqlamasında rusiyalı mütəxəssis Vasili Berezutskinin baş məşqçi təyinatını şərh edib.

Presssport.az xəbər verir ki, klub rəhbəri danışıq prosesinin çox vaxt aparmadığını söyləyib:

"Bütün vacib aspektləri müzakirə etdiyimiz məhsuldar görüş keçirdik. Baş məşqçi artıq klubla bağlı müəyyən məlumatlara malikdi. Burda onun istəyi və motivasiyası əsas rol oynadı".

Xatırladaq ki, "Sabah" karyerasında ilk dəfə baş məşqçi işləyəcək 42 yaşlı Berezutski ilə 2,5 illik müqavilə imzalayıb.