İdmançılarımız Özbəkistanda 3 qızıl medal qazanıb

Azərbaycan idmançıları Özbəkistanın Andijan şəhərində peşəkar qol güləşi liqasının final mərhələsinin seçim turunda 3 qızıl medal qazanıb.

Presssport.az xəbər verir ki, bu barədə Gənclər və İdman Nazirliyinin mətbuat xidməti məlumat yayıb.

Belə ki, təmsilçilərimizdən Azər Məhərrəmov (115 kq), Ağaseyid Aslanov (105 kq) və Toğrul Şahlarlı (85 kq) fəxri kürsünün ən yüksək pilləsinə qalxıb.

İdmançılarımız Birləşmiş Ərəb Əmirliklərinin Dubay şəhərində təşkil olunacaq final mərhələsində dünyanın ən güclüləri ilə mübarizə aparacaq.