Qurban Qurbanov "Xəzər Lənkəran"ın gözlənilən qayıdışı haqda: "Ancaq alqışlayıram, çox istəyərəm ki..."

"Xəzər Lənkəran"ın futbolumuza qayıtmaq ehtimalı təsdiqlənib. 

Presssport.az xəbər verir ki, Lənkərandakı Mərkəzi Stadion stadion təmirə bağlanıb və bu haqda tapşırıq verən “ağ-yaşıllar”ın sahibi, fəxri prezidenti Mübariz Mənsimov kluba büdcə ayırıb.

“Qarabağ”ın baş məşqçisi Qurban Qurbanov Lənkəranın Azərbaycan futboluna gözlənilən qayıdışıyla bağlı danışarkən, bunu ancaq alqışladığını söyləyib: "Lənkəranda oynamaq...Ora başqa motivasiya ilə hazırlaşırdıq. 10-12 min azarkeş olurdu. Sanki avrokubok oyununa çıxırdıq, hazırlaşırdıq. Çox istəyərdim ki, "Xəzər Lənkəran" yenidən qayıtsın. Fikir varsa, yalnız alqışlayıram".

Xatırladaq ki, “Xəzər Lənkəran” Premyer Liqada son dəfə 2015/16 mövsümündə çıxış edib.