Daha bir qadın güləşçimiz Avropa çempionu olub

Azərbaycanın daha bir qadın güləşçisi - Alyona Kolesnik Rumıniyanın paytaxtı Buxarestdə keçirilən Avropa çempionatında final görüşünə çıxıb.

Presssport.az xəbər verir ki, 59 kq çəki dərəcəsində yer alan idmançımız həlledici qarşılaşmada Alina Filipoviçlə (Ukrayna) üz-üzə gəlib.

Rəqibinə qalib gələn Kolesnik karyerasında ilk dəfə qitə çempionatında qızıl medal əldə edib.

Daha əvvəl Mariya Stadnik (50 kq) 10-cu titulunu qazanmışdı.

Bu gün mübarizəyə qoşulan Jalə Əliyeva (57 kq) 1/4 finalda, Birgül Soltanova 1/8 finalda, Elis Manolova (65 kq) isə yarımfinala məğlub olub. Manolova sabah bürünc medal uğrunda görüşdə qüvvəsini sınayacaq.

Xatırladaq ki, daha əvvəl yunan-Roma güləşi üzrə Azərbaycan millisi Avropa çempionatında 3 qızıl, 2 gümüş, 1 bürünc medal qazanıb. Nihat Məmmədli (60 kq), Murad Məmmədov (63 kq), Həsrət Cəfərov (67 kq) 1-ci, Rəşad Məmmədov (55 kq), Ülvü Qənizadə (72 kq) 2-ci, Beka Kandelaki (130 kq) isə 3-cü yeri tutub.