Daha bir taekvondoçumuz "Turkish Open" beynəlxalq turnirində medal qazanıb

Azərbaycan taekvondoçusu Minayə Əkbərova (46 kq) Antalya şəhərində keçirilən "Turkish Open" beynəlxalq turnirində bürünc medal qazanıb.

Presssport.az Azərbaycan Taekvondo Federasiyasının mətbuat xidmətinə istinadən xəbər verir ki, təmsilçimiz mükafata gedən yolda 4 rəqibini üstələyib.

O, yarımfinalda türkiyəli rəqibinə uduzaraq fəxri kürsünün 3-cü pilləsinə yüksəlib.

Xatırladaq ki, daha əvvəl Ülvi Məmmədov (37 kq) yarışın gümüş medalına sahib çıxıb.