Bakı klubunun həkimi dilinin bəlasına düşdü, ağır cəza aldı

I Liqada çıxış edən “Qaradağ Lökbatan”ın həkimi Xəyal Alızadə 5 oyunluq cəzalandırılıb.

Presssport.az xəbər verir ki, bu barədə AFFA İntizam Komitəsinin iclasında qərar qəbul olunub.

Buna I Liqanın XIII turunda “Mingəçevir”lə matçın 75-ci dəqiqəsində onun hakimləri təhqir etdiyi üçün birbaşa qırmızı vərəqə alması səbəb olub. Bakı klubu həkiminin hərəkətinə görə 400 manat cərimələnib.

AFFA sözügedən oyunun 76-cı dəqiqəsində qeyri-etik ifadə və ya hərəkətə görə birbaşa qırmızı vərəqə aldıqdan sonra hakimləri təhqir etdiyinə görə “Qaradağ Lökbatan”ın futbolçusu Əli Kərimovu 4 oyunluq cəzalandırıb. Bununla yanaşı, klub 300 manat cərimələnib.