“Adana Dəmirspor” qalmaqallı oyuna görə cəzalandırıldı

Türkiyə Super Liqasının 22-ci turunun “Qalatasaray” - “Adana Dəmirspor” matçı ilə əlaqədar qərar açıqlanıb. 

Presssport.az xəbər verir ki, bazar günü oynanılan qarşılaşmanın 12-ci dəqiqəsində baş hakim Oğuzhan Çakır qonaq komandanın qapısına penalti təyin edib. 11 metrlik cərimə zərbəsini Alvaro Morata dəqiq yerinə yetirərək “Qalatasaray”ı hesabda irəli çıxarıb. 30-cu dəqiqədə hesab 1:0 olarkən “Adana Dəmirspor”un futbolçuları baş məşqçi Mustafa Alperlə məsləhətləşdikdən sonra qəflətən meydanı tərk ediblər. Türkiyə mətbuatının yazdığına görə, “Adana Demirspor” klub rəhbərliyinin tələbi ilə bu addımı atıb.

Türkiyə Futbol Federasiyasının İntizam Komitəsi “Adana Dəmirspor”a texniki məğlubiyyət verib. Bundan əlavə, klubun 3 xalı silinib.

Hazırda turnir cədvəlində “Qalatasaray” 57 xalla 1-ci, “Adana Dəmirspor” isə 5 xalla 19-cu - sonuncudu.