Adı "Neftçi" ilə hallanan hücumçu "Beşiktaş"la müqaviləsini uzadıb

“Beşiktaş”da yeni müqavilə qeydə alınıb.

Presssport.az xəbər verir ki, İstanbul nəhəngi Mustafa Hekimoğlunun sözləşməsinin müddətini uzadıb. 

Belə ki, yeni müqaviləyə əsasən 17 yaşlı hücumçu 2028-ci ilin yayına kimi "ağ-qaralar"a məxsus olacaq.

Mustafa "Beşiktaş"ın yetirməsidi. Gənc forvard bu mövsüm "Qara qartallar"ın heyətində meydana çıxdığı 20 rəsmi matçda 1 qol və 1 məhsuldar ötürmə ilə yadda qalıb.

Onu da bildirək ki, Türkiyə mətbuatı bir müddət əvvəl "Neftçi"nin Hekimoğlunu icarəyə götürmək istəməsi ilə bağlı xəbər yaymışdı.