Qadın millimiz Avropa çempionatında 4-cü yeri tutub

Qadın güləşçilərdən ibarət Azərbaycan millisi Rumıniyanın paytaxtı Buxarestdə keçirilən Avropa çempionatında komanda hesabında 4-cü yeri tutub.

Presssport.az xəbər verir ki, yığmamız 2 qızıl, 1 bürünc medalla buna nail olub.

Aktivinə 83 xal yazdıran qadın millimiz 27 komanda arasında 4-cü pillədə qərarlaşıb. Komanda hesabında 1-ci yeri 147 xalla Ukrayna tutub. Türkiyə (142) 2-ci, Rumıniya (101) isə 3-cü yeri tutub.

Xatırladaq ki, qadın millimizin heyətində Mariya Stadnik (50 kq) və Alyona Kolesnik (59 kq) qızıl, Elis Manolova (65 kq) bürünc medal qazanıb.