"Braqa"nın prezidenti komandaya qəzəbləndi, Bakıda qələbə tələb etdi

"Braqa"nın prezidenti Antonio Salvador Avropa Liqası pley-off mərhələsinin ilk oyununda "Qarabağ"a məğlubiyyətdən (2:4) kəskin narazı qalıb.

Presssport.az xəbər verir ki, klub rəhbəri matç bitdikdən sonra paltardəyişmə otağına gedərək komandanı yüksək səslə, sərt şəkildə tənqid edib. 

Bu barədə "O Jogo" nəşri məlumat yayıb. Qəzəbli Salvador Bakıda keçiriləcək cavab matçında komandadan qələbə qazanmasını tələb edib.

Xatırladaq ki, "Qarabağ" - "Braqa" görüşü 22 fevral tarixində saat 21:45-də Tofiq Bəhramov adına Respublika stadionunda baş tutacaq.