"Gəncə"dən asan səfər qələbəsi

Qadın voleybolçular arasında Azərbaycan çempionatında XIII tura yekun vurulub.

Presssport.az xəbər verir ki, son oyunda UNEC öz meydançasında “Gəncə”ni qəbul edib.

Görüşün əvvəlindən üstün təsir bağışlayan qonaq komanda asan qələbə qazanıb - 3:0 (25:10, 25:13, 25:8).

Hazırda “Azərreyl” 33 xalla turnir cədvəlinə liderlik edir. “Murov Az Terminal” 29 xalla 2-ci, “Abşeron” 27 xalla 3-cü, “Gəncə” 18 xalla 4-cü, “Milli Aviasiya Akademiyası” 10 xalla 5-ci, qələbəsi və xalı olmayan UNEC isə sonuncu pillədədir.