"Bayer" "Bavariya"nın rekordunu təkrarlayıb

Almaniyanın “Bayer” klubu “Bavariya”nın rekordunu təkrarlayıb.

Presssport.a xəbər verir ki, leverkuzenlilər bu nəticəyə Bundesliqanın XXII turunda "Haydenhaym"ı məğlub etməklə (2:1) imza atıblar.

Beləliklə, Xabi Alonsonun komandası bütün turnirlərdə məğlubiyyətsiz oyunlar seriyasını 32-yə (28 qələbə, 4 heç-heçə) çatdırıb.

Qeyd edək ki, Münhen klubi 2019-20-ci illərdə Hans-Diter Flikin rəhbərliyi altında ardıcıl 32 matçda məğlubiyyət almayıb.