AFFA İcraiyyə Komitəsinin yeni tərkibində ilk dəyişiklik bəlli oldu

Mahir Məmmədov AFFA İcraiyyə Komitəsinin yeni heyətində yer almayacaq.

Presssport.az xəbər verir ki, funksioner bu barədə jurnalistlərə açıqlamasında bildirib.

Belə ki, Azərbaycan Şahmat Federasiyasının prezidenti də olan Məmmədov futboldakı vəzifəsindən getmək fikrində olduğunu söyləyib: “Ölkədə şahmatın səviyyəsinin artmasını, işlərimizin vacibliyini nəzərə alaraq bu qərara gəldim. Bütün ictimai işimi bu sahəyə yönəltmək, cəmləşdirmək niyyətindəyəm”.

Xatırladaq ki, AFFA-nın Hesabat-Seçki Konfransının martda keçirilməsi planlaşdırılır.