Liderin ən yaxın izləyiciləri qələbə qazandılar

Qadın voleybolçular arasında Azərbaycan çempionatında növbəti oyunlar keçirilib.

Presssport.az xəbər verir ki, XIV tur çərçivəsində baş tutan iki oyunda liderin ən yaxın izləyiciləri qələbə qazandılar.

UNEC-in idman zalında baş tutan görüşdə “Murov Az Terminal” və UNEC üz-üzə gəlib. Oyun birincilərin inamlı qələbəsi ilə yekunlaşıb. 

Turun digər matçında GİN-nin Voleybol Mərkəzində “Abşeron” “Gəncə”ni qəbul edib. Gərgin keçən qarşılaşmada meydan sahibləri qələbəyə sevinib.

Qeyd edək ki, turun son qarşılaşması bu GİN-nin Voleybol Mərkəzində keçiriləcək. “Milli Aviasiya Akademiyası” və “Azərreyl” arasında baş tutacaq bu oyun saat 18:00-da başlayacaq.

Beləliklə, “Azərreyl” 33 xalla (11 qələbə) turnir cədvəlinə liderlik edir. “Murov Az Terminal” 32 xalla (11 qələbə) 2-ci, “Abşeron” 30 xalla (10 qələbə) 3-cü, “Gəncə” 18 xalla (6 qələbə) 4-cü, “Milli Aviasiya Akademiyası” 10 xalla (3 qələbə) 5-ci, qələbəsi və xalı olmayan UNEC isə sonuncu pillədədir.

“Murov Az Terminal” - UNEC 3:0 (25:8, 25:5, 25:12)

“Abşeron” - “Gəncə” 3:1 (25:17, 25:23, 23:25, 25:17)