Çalımbay da AFFA-ya prezident seçkisini gözləyir: "Millilərinə məni təklif ediblər..."

Adı Azərbaycan millisi ilə hallanan türkiyəli mütəxəssis Rza Çalımbay növbəti dəfə açıqlama verib.

Presssport.az xəbər verir ki, yerli KİV-ə danışan təcrübəli məşqçi hələ AFFA-dan təklif almadığını deyib:

“Azərbaycana məni təklif ediblər, ”danışarıq" dedim. Orada federasiyada prezident seçkiləri olacaq. Ona görə hələ AFFA nümayəndələri ilə görüşməmişik".

Çalımbay son olaraq "Beşiktaş"a rəhbərlik edib. O, eyni zamanda 2021/22 mövsümündə “Sivasspor”la Türkiyə kubokunu qazanıb.

Xatırladaq ki, AFFA-ya yeni prezident aprelin 2-də seçiləcək və bu, SOCAR-ın, "Neftçi"nin rəhbəri Rövşən Nəcəf olacaq.