Bəhlul Mustafazadə də ilkə imza atdı, qol vurduğu Monqolustan yığması da

Azərbaycan millisində daha bir futbolçu qol hesabını açıb.

Presssport.az xəbər verir ki, "Qarabağ"ən müdafiəçisi Bəhlul Mustafazadə əsas yığmada ilk qolunu “FIFA series – Edition 2024” layihəsi çərçivəsində Monqolustan yığmasıyla Tofiq Bəhramov adına Respublika stadionundakı matçda vurub.

27 yaşlı stopper 90+1-ci dəqiqədə başla fərqlənərək millimizə qələbə qazandrırıb - 1:0.

Bəhlul ilk qolunu 28-ci matçında vurmağa müvəffəq olub. O, millimizdə qol sevinci yaşayan 74-cü futbolçu kimi düşüb. Bunadək 295 matçda 73 oyunçumuz rəqib qapısına yol tapmışdı. Millimizin 5 qolu isə avtoqollarla - rəqib futbolçular öz qapısına vurmaqla reallaşıb.

Bəhlulun cəzalandırdığı monqollar da Azərbaycan yığmasının tarixinə ilklə düşüb. Belə ki, bu, 32 ildə qarşılaşdığımız 71-ci rəqib olub.