Kişi voleybolçular arasında Azərbaycan çempionatında növbəti oyunların yeri və vaxtı dəqiqləşib

Kişi voleybolçular arasında Azərbaycan çempionatında növbəti oyunların yeri və vaxtı dəqiqləşib.

Presssport.az Azərbaycan Voleybol Federasiyasının mətbuat xidmətinə istinadən xəbər verir ki, görüşlər 27 və 29 mart tarixlərində reallaşacaq.

Martın 27-də saat 17:00-da “Murov Az Terminal”ın idman zalında MOİK və “Neftçi” görüşəcək. Eyni saatda "Azərreyl" və “Murov Az Terminal” Voleybol Mərkəzində mübasibətlərə aydınlıq gətirəcəklər.

Martın 29-da “Murov Az Terminal” MOİK-i sınağa çəkəcək. Bu qarşılaşma saat 17:00-da başlayacaq.

Qeyd edək ki, "Azərreyl" 41 xalla liderdi. “Murov Az Terminal” 31 xalla 2-ci, "Neftçi" 22 xalla 3-cü pillədə qərarlaşıb. Çempionatda çıxışlarını dayandıran komandalardan “Xarı Bülbül Şuşa”nın 16, “Xarı Bülbül Laçın”ın 4 xalı var. Sonuncu sıradakı MOİK-in xalı yoxdu.