"Böyük Dəbilqə"də ilk gündə 3 cüdoçumuz qüvvəsini sınayacaq

Bu gün Türkiyənin Antalya şəhərində “Böyük Dəbilqə” turnirinə start veriləcək.

Presssport.az xəbər verir ki, ilk yarış günündə Azərbaycanın 3 cüdoçusu qüvvəsini sınayacaq.

Belə ki, kişilər arasında -60 kq. çəkidə Əhməd Yusifov, -66 kq. çəkidə Ruslan Paşayev və Rəşad Yelkiyev medallar uğrunda mübarizə aparacaq.

Xatırladaq ki, martın 31-dək davam edəcək “Böyük Dəbilqə”yə Azərbaycan 9 kişi cüdoçu ilə yollanıb.