"Hansı daha yaxşıdı: İngiltərədə ehtiyatda qalmaq, yoxsa “Qarabağ”da əsas oyunçu olmaq?"

“Qarabağ”ın rusiyalı qapıçısı Andrey Lunyov “Nyukasl”dan aldığı təklifdən bir daha danışıb. 

Presssport.az xəbər verir ki, 33 yaşlı qolkiper Rusiya mətbuatına "Bayer"də olarkən İngiltərə klubundan aldığı təklifi geri çevirməsinin səbəbini açıqlayıb: “Hansı daha yaxşıdı: İngiltərədə ehtiyatda qalmaq, yoxsa “Qarabağ”da əsas oyunçu olmaq? Azərbaycanda və avrokuboklarda oynayırsansa, təbii ki, “Nyukasl”da 3-cü və ya 4-cü qapıçı olmaqdansa, “Qarabağ”da oynamaq daha yaxşıdı. Demək olar ki, 33 yaşım var, ona görə də hələ də futbol oynamaq istəyirəm. Bəlkə 36 yaşında İngiltərəyə baxmaq istəyərsən. O yaşda skamyada oturub meydana baxmağı özünə rəva görə bilərsən. Amma indi yox”.

Xatırladaq ki, Lunyov “Qarabağ”a 2023-cü ilin yayında azad agent kimi keçib. Qapıçının ağdamlılarla müqavilə müddəti bu mövsümün sonunadəkdi.