Berdıyev AFFA-nın siyahısında yer almayıb - səbəbi də açıqlandı

Kurban Berdıyev AFFA-nın baş məşqçi postu üçün qısa siyahıda yer almayıb.

Presssport.az xəbər verir ki, bu barədə Rusiya mətbuatı yazıb.

İddiaya görə, AFFA rəhbərliyi Berdıyevə klub məşqçisi kimi yanaşdığı üçün onu millinin “sükanı arxası”na dəvət etməyi düşünməyib.

Rus həmkarlarımızın yazdığına inansaq, AFFA-nın yeni rəhbərliyi Azərbaycan millisini yerli mədəniyyətə mümkün qədər yaxın olan mütəxəssisə həvalə etməyi planlaşdırır.

Xatırladaq ki, Berdıyev son olaraq Rusiyanın “Dinamo”(Maxaçqala) klubunu çalışdırıb. O, bundan əvvəl "Kayrat", "Gənclərbirliyi", "Rubin", "Rostov", "Traktor", "Soçi" klublarında işləyib.