Macarıstan - Azərbaycan matçının hakimləri açıqlandı

Qadın futbolçulardan ibarət Azərbaycan millisinin səfərdə Macarıstan yığmasıyla keçirəcəyi Avropa çempionatının seçmə mərhələ oyununun təyinatları bəlli olub.

Presssport.az xəbər verir ki, UEFA görüşü İngiltərədən olan hakimlər briqadasına etibar edib.

Belə ki, baş hakim Kirsti Doula yan xətt hakimləri Sofi Denninqton və Rubi Saykes yardımçı olacaqlar. Dördüncü hakim funksiyasını Emil Heaslip yerinə yetirəcək.

Qeyd edək ki, B Liqasının I qrupundakı bu oyun aprelin 5-də Bakı vaxtı ilə saat 19:45-də start götürəcək.