"Qarabağ" dünya reytinqində daha 12 pillə geriləyib

"Qarabağ" dünya klublarının reytinq siyasında daha 12 pillə geriləyib.

Presssport.azs xəbər verir ki, bu barədə Beynəlxalq Futbol Tarixi və Statistikaları Federasiyası (IFFHS) rəsmi saytında məlumat yayıb.

Belə ki, Azərbaycan çempionu 507 klubun olduğu cədvəldə 167,25 xalla 72-ci yerdə qərarlaşıb. Ağdam təmsilçisi bunadək son reytinqin açıqlandığı oktyabrda 8 pillə geriləmişdi.

Digər klublarımıza gəlincə. 18 pillə geriləyən "Zirə" (94,25 xal) 219-cudu. 12 pillə enən "Sabah" (59,50 xal) isə 423-cü ola bilib.

Onu da bildirək ki, siyahıya 414 xalla Madrid “Real”ı başçılıq edir.