Taekvondoçularımız Avropa birinciliyini 4 medalla başa vurub

Azərbaycanın yeniyetmə taekvondoçuları Albaniyanın paytaxtı Tiranada keçirilmiş Avropa birinciliyini 1 qızıl, 1 gümüş və 2 bürünc medalla başa vurub.

Presssport.az xəbər verir ki, turnirin son günündə yığma üzvləri daha 2 mükafat əldə edib.

Taekvondoçumuz Novruz Əliyev (45 kq) bütün rəqiblərini üstələyərək Avropa çempionu adını qazanıb. Millimizin digər üzvü Anar Abdullazadə (37 kq) gümüş medala sahib çıxıb. 

Yarışın ilk iki günündə Gülay Əliyeva (44 kq) və Fərid Əlizadə (61 kq) isə bürünc medal qazanmışdı.

Onu da bildirək ki, turnirdə Azərbaycanın oğlanlardan ibarət komandası ümumi hesabda 3-cü pillədə qərarlaşıb.