“Qarabağ” məzmunlu, döyüşkən oyunla yadda qaldı və Azərbaycan futbol tarixində iz qoydu" - AFFA-nın baş katibi

"Ötən il Azərbaycan futbolu üçün uğurlarla yadda qaldı. İlk növbədə uzun illərdən sonra Xankəndidə Azərbaycan kubokunun oyununun keçirilməsini qeyd etmək istərdim. Həmin matçı Azərbaycan Prezidenti İlham Əliyev və Birinci vitse-prezident Mehriban xanım Əliyeva canlı izlədilər”. 

Presssport.a əz xəbər verir ki, bu sözləri AFFA-nın baş katibi Sərxan Hacıyev assosiasiyanın Hesabat-Seçki Konfransında çıxışı zamanı deyib. 

O, “Qarabağ”ın Avroliqanın 1/8 final mərhələsinə vəsiqə qazanaraq futbolumuzda yeni tarix yazdığını söyləyib: “Qarabağ” məzmunlu, döyüşkən oyunla yadda qaldı və Azərbaycan futbol tarixində iz qoydu. Bu münasibətlə klub rəhbərliyini, futbolçuları, məşqçiləri, futbol ictimaiyyətimizi təbrik edirəm”. 

Hacıyev geridə qalan 1 il ərzində qadın futbolunda da irəliləyiş olduğunu söyləyib: “Ötən mövsüm Azərbaycanda qadın futbolunda millimiz bizi sevindirdi. Yeeni tarix yazdı, ilk dəfə qrup mərhələsində 1-ci yeri tutaraq B Divizionuna vəsiqə qazandı. Bu da Azərbaycanda qadın futbolu üçün əlamətdar nəticə idi. Son illərdə AFFA tərəfindən müxtəlif tədbirlər də keçirilib. Sadəcə, çox detallı danışıb vaxtınızı almaq istəmirəm”.