Millimizlə yoldaşlıq görüşü keçirəcək yığmanın baş məşqçisi postundan getdi

İyunun 11-də Macarıstanda Azərbaycan millisi ilə beynəlxalq yoldaşlıq görüşü keçirəcək Qazaxıstan yığmasının baş məşqçisi Məhəmməd Adiyev vəzifəsindən gedib.

Presssport.az xəbər verir ki, bu barədə Qazaxıstan Futbol Federasiyası bəyanat yayıb.

Rusiyalı mütəxəssisin ailə vəziyyətini əsas gətirərək istefa verdiyi açıqlanıb. O da bildirilib ki, gələn həftənin əvvəlindən məşqçi seçimlərinə başlanacaq.

Xatırladaq ku, Adiyev 2022-ci ildən Qazaxıstan millisinə rəhbərlik edirdi. 47 yaşlı mütəxəssis son mövsümdə Rusiya Premyer Liqa təmsilçisi “Axmat"ı da çalışdırıb.