"Qəbələ"də məşqçi gedişi: "Qarşılıqlı razılıqla ayrıldım"

“Qəbələ”də məşqçi ayrılığı baş verib.

Presssport.az xəbər verir ki, Rakif Əliyev “qırmızı-qaralar”dan gedib.

O, bu haqda “Facebook”dakı şəxsi səhifəsində paylaşım edib: “Bu gün sevimli komandam ”Qəbələ" ilə qarşılıqlı razılaşma ilə ayrıldım. Komandamızın I Liqaya düşməsi bir çoxları kimi məni də məyus etdi. Ümid edirəm ki, növbəti sezon yenidən elitaya qayıdar".

Xatırladaq ki, Əliyev “Qəbələ”yə bu ilin yanvarında "Qarabağ”ın U-15 komandasının baş məşqçi postunu tərk edərək gəlmişdi. O, həm hazırkı gürcü baş məşqçi Kaxaber Tsxadadze, həm onun azərbaycanlı sələfi Elmar Baxşıyevin köməkçisi işlədi.