Terziç finalda qələbəyə layiq olduqlarını sayır: "İlk saniyədən bütün dünyaya göstərdik ki..."

Dortmund "Borussiya"sının baş məşqçisi Edin Terziç Çempionlar Liqasının finalında "Real"a uduzmalarını (0:2) şərh edib.

Presssport.az xəbər verir ki, almaniyalı mütəxəssis komandasının qələbəyə layiq olduğunu deyib: "Əla oyun nümayiş etdirdik və fikrimcə, 0:2 hesablı məğlubiyyətdən daha yaxşısına layiq idik. İlk saniyədən bütün dünyaya göstərdik ki, təkcə finalda oynamaq yox, qalib gəlmək üçün burdayıq. Çox şeyi düzgün etdik, lakin onlar lazımi anda doğru davrandı. Bundan dərs götürməliyik. Yaxşı oynadıq, əks-hücumlarda təhlükəli idik. Ancaq bu gün qol vura bilmədik”.