Millimizə yeni futbolçu dəvət olunub

21 yaşadək futbolçulardan ibarət Azərbaycan milli komandasının heyətinə daha bir futbolçu cəlb edilib.

Presssport.az AFFA-nın rəsmi saytına istinadən xəbər verir ki, “Neftçi”nin oyunçusu Rəvan Kazımov düşərgəyə dəvət olunub.

Xatırladaq ki, U-21 iyunun 7-də Bratislavadakı Senec Məşq Mərkəzində, Bakı vaxtı ilə saat 20:30-da Slovakiya ilə, iyunun 11-də “Liv Bona Dea Arena”da, saat 20:00-da isə Bolqarıstanla yoldaşlıq görüşü keçirəcək.