Minifutbol millimizdən ardıcıl 2-ci qələbə - bu dəfə İtaliya üzərində

Bosniya və Hersoqovinanın paytaxtı Sarayevoda keçirilən minifutbol üzrə Avropa çempionatı davam edir. 

Presssport.az xəbər verir ki, yarışda mübarizə aparan Azərbaycan millisi növbəti oyununu keçirib. 

İtaliya millisi ilə üz-üzə gələn yığmamız 2:1 hesabı ilə qələbə qazanıb. Millimizin heyətində 19-cu dəqiqədə Rəvan Kərimov, 45-ci dəqiqədə isə Mirmehdi Rzayev fərqlənib. İtaliyanın yeganə qoluna isə 18-ci dəqiqədə hesabı açan Vasçelo imza atıb. 

Xatırladaq ki, millimiz dünən ilk matçında Belçikaya (3:0) qalib gəlib, İtaliya isə Fransaya uduzub – 1:3. Elşad Quliyevin komandası iyunun 4-də Fransa ilə qarşılaşacaq.