"Sabah"ın Macarıstandakı matçına cəmi 300 bilet satılıb

Konfrans Liqasının II təsnifat mərhələsində keçiriləcək "Makkabi" (İsrail, Hayfa) - "Sabah" oyununa cəmi 300 bilet satılıb.

Presssport.az xəbər verir ki, bu haqda paytaxt təmsilçisinin mətbuat xidmətinin rəhbəri Elnur Həmidov məlumat verib.

Qarşılaşma neytral meydanda - Macarıstanda baş tutacağı üçün ajiotaj olmayacaq.

Görüşün keçiriləcəyi "Varkert" stadionunda 40-a yaxın azərbaycanlı azarkeş "Sabah"ı qələbəyə səsləyəcək.

Xatırladaq ki, bu gün gerçəkləşəcək "Makkabi" - "Sabah" matçının start fiti saat 21:15-da səslənəcək.