"Zirə" - "DAC 1904" matçına 2500 bilet satılıb - slovaklar azarkeş və jurnalist da gətirib

Konfrans Liqasının II təsnifat mərhələsində keçiriləcək “Zirə” - “DAC 1904” matçına 2500-ə yaxın bilet satılıb.

Bu haqda Bakı təmsilçisinin mətbuat katibi Elmar Abdullazadə Presssport.az-a məlumat verərək, satışa 6 min bilet çıxardıqlarını və bunun 2500-ə yaxının satıldığını açıqlayıb.

Klub rəsmisi Slovakiya klubunun Bakıya azarkeş və jurnalistlərlə səfər etdiyini söyləyib:

“Özləri ilə 50-yə yaxın azarkeş və 5-6 jurnalist də gətiriblər".

Xatırladaq ki, "Zirə" - "DAC 1904" görüşü bu gün saat 20:30-da “Dalğa Arena”da start götürəcək.