Paris-2024: Badmintonçumuz məğlubiyyətlə başladı, işini xeyli çətinə saldı

Bu gün Azərbaycanın badminton millisinin üzvü Keişa Fatimə Zəhra Paris-2024 Yay Olimpiya Oyunlarında ilk matçına çıxıb.

Presssport.az xəbər verir ki, indoneziyalı milliləşdirilmiş legionerin ilk rəqibi  He Bin Çzyao (Çin) olub. 

H qrupunda keçirilən bu matç Çin idmançısının böyük üstünlüyü ilə keçib. Belə ki, Çzyao hər 2 setdə inamlı qələbə qazanıb - 21:8, 21:7. 

Zəhra növbəti görüşünü iyulun 29-da Böyük Britaniya təmsilçisi Kristi Gilmoura qarşı keçirəcək.

Onu da bildirək ki, hər qrupda 3 idmançı yarışır və növbəti mərhələyə yalnız qrup qalibi çıxır. Bunu nəzərə alsaq, startdakı məğlubiyyətlə badmintonçumuzun qrupdan çıxmaq şansı xeyli çətinləşib.