Paris-2024: Cüdoçularımızın uğursuzluğu davam edir, boksda uğurlu startımız

Bu gün Azərbaycanın daha 3 idmançısı Paris-2024-də mübarizəyə başlayıb.

Presssport.az xəbər verir ki, yarışda əvvəlcə cüdoçularımız qüvvələrini sınayıb. 

Cüdo

1/16 finalda Yaşar Nəcəfov (66 kq) Straxinya Bunçiçlə (Serbiya) üz-üzə gəlib. Rəqib vaza-ari xalı ilə qalib gəlib - 1:0.

Bayraqdarımız Gültac Məmmədəliyeva (52 kq) isə Anjelika Delqado (ABŞ) ilə qarşılaşıb. Delqado əlavə vaxtda qızıl 1 xal qazanaraq 1/8 finala yüksəlib və nəticədə Məmmədəliyeva mübarizəni başa vurub. 

Boks

Boksçularımızdan ilk olaraq dünya çempionu Alfonso Dominges (92 kq) çıxış edib və mübarizəyə 1/8 finaldan qoşulub. Onun rəqibi 2 qat Olimpiya, 5 qat dünya çempionu olan Xulio Sesar la Krus olub (Kuba). Dominges güclü rəqibinə 3:2 hesabıyla qalib gələrək 1/4 finala yüksəlib.

Xatırladaq ki, Paris-2024 avqustun 11-də başa çatacaq.

Azərbaycan yarışa 48 idmançı ilə qatılıb. Onlardan 4-ü artıq mübarizəni medal qazanmadan dayandırıb.