"Linkoln"un kapitanı "Qarabağ"ı böyük komanda sayır: "Növbəti mərhələyə çıxmaq üçün mübarizə aparmaq keyfiyyətimiz var"

Cəbəllütariqin “Linkoln” klubunun kapitanı Bernardu Lopeş Çempionlar Liqasının II təsnifat mərhələsində bu gün “Qarabağ”a qarşı keçirəcəkləri cavab oyunu ilə bağlı fikirlərini bölüşüb.

Presssport.az xəbər verir ki, 31 yaşlı müdafiəçisi əvvəlcə 0:2 hesabıyla uduzduqları ilk oyundakı məğlubiyyəti şərh edib: “Düşünürəm ki, ilk görüşdə yaxşı oynadıq. “Qarabağ”ın nə qədər yaxşı olduğunu bilirdik və əlimizdən gələni etməyə çalışdıq. Amma təəssüf ki, iki səhvə yol verdik və nəticə bizə baha başa gəldi. Ötən mövsümkü “Qarabağ”la bu mövsümki arasında böyük fərq var. Bu, komandanın qazandığı təcrübədi. Keçən il çox şey öyrəndik və çətin anlarımızda hamısından istifadə etdik. Çox vaxtımız yox idi, lakin Çempionlar Liqasında oynamaq üçün Azərbaycandayıq. Bura gəlmək üçün çox çalışdıq. Səyahət asan olmayıb, amma onu keçməliyik. Bununla belə, hazırıq və bizi nələrin gözlədiyini bilirik. Bilirik ki, “Qarabağ” kimi güclü komandaya qarşı çətin olacaq. Ancaq ilk görüşdən sonra səhvlərin üzərində işləmişik”. 

Portuqaliyalı futbolçu bu gün meydana inamla çıxacaqlarını vurğulayıb: "Cavab matçında hər şey bizdən asılıdı. Çempionlar Liqasının seçmə mərhələsinin növbəti mərhələsinə çıxmaq üçün mübarizə aparmaq keyfiyyətimiz var. Böyük komandaya qarşı daha bir avrokubok matçı oynayacağıq və Cəbəllütariq üçün başqa bir tarix yaratmaq özünəinamlı və həyəcanlı hiss edir".

Xatırladaq ki, "Qarabağ" - "Linkoln" matçı bu gün Tofiq Bəhramov adına Respublika stadionunda saat 20:00-da baş tutacaq.