Serbiya millisinin oyunçusu Azərbaycan çempionuna keçdi

Təlim-məşq toplanışını davam etdirən “Araz-Naxçıvan” futzal klubu növbəti transferini reallaşdırıb.

Presssport.az xəbər verir ki, ölkə çempionu Serbiya millisinin də üzvü olan Yaniç Aleksandarla anlaşıb.

29 yaşlı müdafiəçi mövsümün sonuna qədər “qırmızı-ağlar”a kömək edəcək. 

Naxçıvan klubu braziliyalı Kadinyo, Caique Aledes De Oliveyra (hər ikisi “Jetısu” Qazaxıstan), Giovanni Valerio (“Torreense” Portuqaliya), İlham Alıyev (U-19) və Lazar Milosavljeviçi (“Crnica”, Xorvatiya) transfer edən, Amadeu və Lukas Romao ilə yeni anlaşma imzalayan klub Miloş Todoriç, Dioqo Auqusto və Andre Juniorla yollarını ayırıb.

Məhəmməd Abbasov və qapıçı Azər Fərmanov isə hərbi xidmətə yollanıb. 

Təmsilçimiz Çempionlar Liqasında avqustun 21-də “Sparta Belfast” (Şimali İrlandiya), ertəsi gün “Sillamae Silla” (Estoniya), avqustun 24-də isə “Uddevalla” (İsveç) ilə qarşılaşacaq.