Qriqorçukun köhnə klubundan Qriqorçukun yeni klubuna

"Neftçi” növbəti transferini rəsmiləşdirib.

Presssport.az klubun rəsmi saytına istinadən xəbər verir ki, ukraynalı hücumçu Andrey Ştoqrin heyətə cəlb olunub.

25 yaşlı futbolçu ilə 3 illik müqavilə imzalanıb. O, “88 nömrə”li formanı geyinəcək.

Üç fərqli mövqedə – hücumun hər iki cinahında və mərkəzində oynamağı bacaran Ştoqrin 2018-ci ildən yetirməsi olduğu “Çernomorets”in A komandasında çıxış edib. Odessa təmsilçisinin əsas heyət üzvü olan hücumçu 2023/24 mövsümündə 34 oyun keçirib, 12 qol vurub.

Onu da bildirək ki, Andrey "Neftçi"nin yeni baş məşqçisi Roman Qriqorçukun rəhbərliyi altında “Çernomorets”də çıxış edib.