"Qarabağ"a qarşı sona qədər vuruşduq, lakin heç nə alınmadı, bacarmadıq" - ispaniyalı baş məşqçi

"Linkoln" Çempionlar Liqası (ÇL) II təsnifat mərhələsinin cavab oyunu çərçivəsində Bakıda "Qarabağ"a 0:5 hesabı ilə məğlub olub.

Presssport.az verir ki, Cəbəllütariq təmsilçisinin ispaniyalı baş məşqçisi Xavyer Munyos matçdan sonra keçirilən mətbuat konfransına görüş haqda fikirlərini bildirməklə başlayıb.

- Çətin oyun oldu. Kiminlə qarşılaşdığımızı bilirdik. Dik durmağa çalışdıq. Amma bilirdik ki, hansı komanda ilə oynayırıq. "Qarabağ" çox güclü idi. Sona qədər vuruşduq. Lakin heç nə alınmadı, bacarmadıq.

- Bugünkü "Qarabağ" Çempionlar Liqasının qrupunda oynaya bilər?

- Həqiqətən çox güclü komandanız var. Qurban Qurbanov uzun müddətdir burdadı. Bəlli ideyası, strategiyası olan komandanız var. Bu komandada olan istedadlı futbolçular, performanslarına görə ÇL-in qrupuna əsas namizədlərdən sayılır. Amma futbol oynamaq, mərhələlər keçmək lazımdır.

- İmkanınız olsaydı, "Qarabağ"dan hansı futbolçunu heyətinizə qatardınız?

- Əslinə qalsa, əlimdə olan heyətdəki oyunçulardan razıyam. Bütün futbolçularınız çox güclüdür. Təkcə birini seçmək çox çətindi.