Paris-2024: Kokauri 1/4 finalda uduzdu, medal şansını saxlayır

Paris-2024-də iştirak edən Azərbaycanın cüdo millisinin sonuncu - 9-cu üzvü Uşanqi Kokauri (dünya reytinqində 17-ci) yarışda 1/4 final görüşünə çıxıb. 

Presssport.az xəbər verir ki, bu mərhələdə Kokauri dünya reytunqdə 1-ci olan cənubi koreyalı Kim Minyonqla qarşılaşıb.

Kokauri mayda dünya çempionatının qalibi olan güclü rəqibinə vaza-ari xalı ilə uduzub.

Bununla belə, o, bürünc medal şansını saxlayır. Belə ki, milliləşdirilən gürcü legionerimiz 3-cü yer uğrunda təsəlliverici görüşlərə çıxacaq.

Xatrırladaq ki, daha əvvəl cüdoda Hidayət Heydərov (73 kq) və Zelim Kotsoyev (100 kq) Olimpiya çempionu olub, qalanları isə yarışı medalsız başa vurub.