"Sabah"ın rəqibi qələbə qazandı

Konfrans Liqasının III təsnifat mərhələsində “Sabah”ın rəqibi olan İrlandiyanın “Sent Patrik Atletik” klubu ölkə çempionatında növbəti oyununu keçirib.

Presssport.az xəbər verir ki, Stiven Kenninin komandası “Sliqo Rovers”i qəbul edərək 3:2 hesabı ilə qalib gəlib. 

Hazırda "Sent Patriks Atletik" 31 xalla turnir cədvəlinin 7-ci pilləsində qərarlaşıb.

Xatırladaq ki, “Sabah” və “Sent Patriks Atletik” arasında görüşlər avqustun 8-də Dublində və avqustun 15-də Masazırda baş tutacaq.