Meydandan xərəklə çıxarılan "Ludoqorets"in legionerinin ayağı iki tərəfdən sınıb

"Ludoqorets"in futbolçusu Bernard Tekpeteyin Çempionlar Liqasının III təsnifat mərhələsində “Qarabağ”la Bakıdakı ilk oyunda aldığı zədə çox ciddi.

Presssport.az xəbər verir ki, bu haqda jurnalistlərə məlumat verən Bolqarıstan klubunun baş məşqçisi Georgi Dermençiyev qanalı sağ cinah yarımmüdafiəçisinin uzun müddətə sıradan çıxmasına görə üzülür: "Çox məyusam ki, futbolçumuzun ayağı iki tərəfdən sınıb".

Onu da bildirək ki, çempionumuzun müdafiəçisi Kevin Medina ilə mübarizədə zədələnən Bernard meydandan xərəklə çıxarılıb.