Mehriban Əliyeva Qaşım Maqomedovu təbrik etdi

Azərbaycanın Birinci vitse-prezidenti Mehriban Əliyeva Yay Olimpiya Oyunlarının gümüş mükafatçısı, taekvondoçu Qaşım Maqomedovla bağlı paylaşım edib.

Presssport.az xəbər verir ki, paylaşımda deyilir:

“Paris Yay Olimpiya Oyunlarının gümüş mükafatçısı, taekvondoçu Qaşım Maqomedovu səmimi-qəlbdən təbrik edirəm! Gərgin əməyinə, yenilməz iradəsinə və qələbə əzminə görə idmançımıza təşəkkür edir, ona möhkəm cansağlığı və yeni-yeni nailiyyətlər arzulayıram!”.

Xatırladaq ki, 25 yaşlı Maqomedov zədə üzündən finalda tam gücüylə çıxış edə bilməyib və mübarizəni yarımçıq dayandırmalı olub.