"Qarabağ" - "Kəpəz" oyununun biletləri satışda

Premyer Liqasının II turunda keçiriləcək “Qarabağ” – “Kəpəz” qarşılaşmasının biletləri onlayn şəkildə satışa çıxarılıb.

Presssport.az xəbər verir ki, biletlərin qiyməti sektorlara uyğun olaraq dəyişir. 

Belə ki, qapıarxası və künclərdə yerləşən sektorlar 3 manat, mərkəzi sektorlar 7 manat, VIP biletlər isə 15 manat təşkil edir.

Biletlər sabahdan iTicket.az-da onlayn, oyun günü isə həm iTicket.az-da onlayn, həm də “Azersun Arena”nın kassasında da satışda olacaq.

Onu da bildirək ki, qapılar azarkeşlər üçün matçın start fitindən 60 dəqiqə əvvəl açılacaq.