"Sabah" Portuqaliyadan futbolçu transfer etdi

Konfrans Liqasındakı təmsilçimiz "Sabah" heyətini yeni futbolçu ilə gücləndirib.

Presssport.az klubun mətbuat xidmətinə istinadən xəbər verir ki, braziliyalı İqor Noqeyra ilə 2 illik müqavilə bağlanıb.

29 yaşlı mərkəz müdafiəçisi Portuqaliyanın "Şaveş" klubundan transfer edilib.

Braziliyanın "Fluminense" klubunun yetirməsi olan İqor karyerası ərzində bu klubla yanaşı, Belçikanın "Gent" (2014-2015), Braziliyanın "Fiqeyrense" (2018), CRB (2019), "Yuventude" (2022), Portuqaliyanın "Jil Visente" (2019-2021), "Santa Klara" (2023), "Şaveş" (2023/2024) və Meksikanın "Mazatlan" (2021-2022) klublarında çıxış edib.

Noqeyra "Sabah"da “14 nömrə”li formanı geyinəcək.