Paris-2024: Sərbəst güləşçimiz yarımfinalda uduzub

Azərbaycanın sərbəst güləşçisi Maqomedxan Maqomedov Fransanın paytaxtı Parisdə təşkil olunan Yay Olimpiya Oyunlarında mübarizəyə start verib.

Presssport.az xəbər verir ki, 97 kq çəki dərəcəsində yer alan idmançımız 1/8 finalda Dominikan Respublikasından olan Luis Migel Pereslə üz-üzə gəlib.

Görüş təmsilçimizin 9:0 hesablı qələbəsi ilə başa çatıb. 

Maqomedov 1/4 finalda polşalı Mateuş Baranovski ilə qarşılaşıb. Təmsilçimiz 7:2 hesabı ilə qələbə qazanaraq yarımfinala yüksəlib.

Maqomedxan yarımfinalda Gürcüstandan olan Givi Matçaraşvili ilə görüşüb. Azərbaycan təmsilçisi rəqibinə 0:5 hesabı ilə məğlub olub. 

Maqomedxan sabah bürünc medal uğrunda güləşəcək. Onun rəqibi təsəlliverici görüşlərdən sonra müəyyənləşəcək.

Xatırladaq ki, Azərbaycanın güləşdə hələ ki yeganə medalı yunan-Roma növündə çıxış edən Həsrət Cəfərovla qazandığı bürünc mükafatdı.