"Giorgi Meşvildişvili böyük əzmkarlıq göstərərək Paris-2024-də bürünc medal əldə etdi" - Mikayıl Cabbarov

İqtisadiyyat naziri, Azərbaycan Güləş Federasiyasının prezidenti Mikayıl Cabbarov Parisdə keçirilən XXXIII Yay Olimpiya Oyunlarında sərbəst güləş üzrə bürünc medal qazanmış Giorgi Meşvildişvili təbrik edib.

Presssport.az xəbər verir ki, bu barədə federasiyanın başçısı sosial şəbəkədə yazıb.

“Olimpiya Oyunlarında güləşdə ikinci medalımızı qazandıq. Sərbəst güləşçimiz Giorgi Meşvildişvili (125 kq) böyük əzmkarlıq göstərərək Paris-2024-də bürünc medal əldə etdi. İdmançımızı, onun valideynlərini və məşqçilərimizi təbrik edirik”, - o qeyd edib.

Xatırladaq ki, Azərbaycanın güləşdə hələ ki 2 bürünc medalı var.