"Kəpəz"in akademiya komandaları üçün seminar keçirilib

Bu gün “Kəpəz” Futbol Akademiyasında U-19, U-17, U-16, U-15 komandalarına danışılmış oyunlarla bağlı seminar keçirilib.

Presssport.az xəbər verir ki, UEFA-nın oyunların toxunulmazlığı üzrə məsul nümayəndəsi Seymur Səlimli “Futbol ictimaiyyəti olaraq danışılmış oyun və ya oyun manipulyasiyası haqqında nələri bilməliyik?” və “Bizim hədəfimiz sizi və futbolumuzu qorumaqdır” mövzularında iştirakçılar qarşısında mühazirə oxuyub, onlara maarifləndirici və hesabat xarakterli təqdimatlar təqdim edib

Seminarda "Danışılmış oyunlar"a qarşı mübarizə mövzusunda əhəmiyyətli məsələlər müzakirə olunaraq, təcrübə mübadiləsi aparılıb. Danışılmış oyunların yerli və beynəlxalq nümunələri seminar iştirakçılarına təqdim edilib.

İdman Yarışlarının Manipulyasiyası haqqında Konvensiya, Azərbaycan Respublikasının Cinayət Məcəlləsinə, Bədən Tərbiyəsi və İdman haqqında Azərbaycan Respublikasının Qanununa bir sıra əlavə və dəyişikliklər, eləcə də İntizam Komitəsinin İntizam Məcəlləsinə edilmiş əlavə və dəyişikliklər haqqında seminar iştirakçılarına məlumat verilib.

Tədbirdə “Kəpəz” Futbol Akademiyasının direktoru Cabir İbrahimov və məşqçi heyəti də iştirak edib.