Daha bir taekvondoçumuz BƏƏ-də medal qazanıb

BƏƏ-də taekvondo üzrə keçirilən Fujeyra açıq çempionatında daha bir medal qazanılıb.

Presssport.az xəbər verir ki, Ülvü Məmmədov uşaqların yarışında fəxri kürsünün 3-cü pilləsinə yüksəlib.

36 kq-da mübarizə aparan idmançı yarımfinaladək Özbəkistan, Qazaxıstan və BƏƏ taekvondoçusuna 2:0 hesabı ilə qalib gəlib. Lakin o, yarımfinada misirli rəqibinə məğlub olaraq bürünc medala yiyələnib.

Qeyd edək ki, Azərbaycan böyüklərin yarışında isə 1 gümüş və 3 bürünc medal qazanıb.