Kurtinaytisi "Sabah"da ilk olaraq "Neftçi" məyus etdi

Bu gün "Sərhədçi" İdman Mərkəzində Azərbaycan Basketbol Liqasının (ABL) 14-cü turunun açılış oyunu baş tutub. 

Presssport.az xəbər verir ki, "Sabah" və “Neftçi” arasında keçirilmiş oyuna ikincilər fəal başlayıb və qarşılaşmanın ilk dəqiqələrindən üstünlüyü ələ keçirərək yekunda 101"87 hesablı qələbə qazanıb. Bununla da "Sabah"ın litvalı yeni baş məşqçisi Rimas Kurtinaytisbu postda ilk məğlubiyyətini alıb.

Ən məhsuldar basketbolçular: "Sabah" (Mayk Holton - 17 xal, 5 asist), "Neftçi" (Alfonso Villis - 25 xal, 6 ribaund)

Qeyd edək ki, 14-cü turun növbəti oyunları ("Xəzri" - "Şəki", "Sumqayıt" - "Cəlilabad", "Gəncə" - "Sərhədçi", "NTD-İNDİQO" - "Xırdalan") 8-11 fevral tarixləri aralığında baş tutacaq.