Azərbaycan fiqurlu konkisürəni Vladimir Litvintsev 2026-cı ildə İtaliyada keçiriləcək Qış Olimpiya Oyunlarına lisenziya qazanıb.
Presssport.az xəbər verir ki, bu barədə Qış İdman Növləri Federasiyasının mətbuat xidməti məlumat yayıb.
O, bu uğura ABŞ-nin Boston şəhərində təşkil olunan fiqurlu konkisürmə üzrə dünya çempionatında nail olub.
İdmançımız qısa və sərbəst proqramda 233,31 xal toplayıb və 39 nəfər arasında 15-ci yeri tutaraq olimpiadada iştirak hüququ əldə edib.
Yarışda çıxış edən Azərbaycanın digər təmsilçilərindən Nərgiz Süleymanova, həmçinin Samanta Ritter - Daniel Brikalov buzüstü rəqs cütlüyü isə qısa proqramda rəqiblərindən geri qalaraq növbəti mərhələyə vəsiqə qazana bilməyib.
Xatırladaq ki, Qış Olimpiya Oyunları 2026-cı il fevralın 6-dan 26-dək İtaliyanın Milan və Kortina d'Ampetso şəhərlərində keçiriləcək.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
.jpg)
