“Qarabağ” - “Lion" oyununa satılan bilet sayı bəlli olub

Avropa Liqasının Liqa mərhələsində keçiriləcək “Qarabağ” - “Lion” oyununa satılan bilet sayı bəlli olub.

Presssport.az Ağdam klubunun mətbuat xidmətinə istinadən xəbər verir ki, artıq 17500 azarkeş bilet alıb.

Tofiq Bəhramov adına Respublika stadionunda baş tutacaq matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir.

VVIP C və VVIP D sektorlara bilet alan tərəfdarlar VIP Lounge üstünlüklərindən yararlana bilər. Həmin sektorlara biletin qiyməti 300 manatdı.

Xatırladaq ki, “Qarabağ”ın Fransa Liqa1 təmsilçisi ilə görüşü noyabrın 28-də saat 21:45-də başlayacaq.